Er bara orðið á Facebook.

Þeir sem vilja geta fundið mig hér.

 

Kær kveðja Sigrún.


Að leiðarlokum :)

Hæ hæ þið sem nennið enþá að kíkja á mig hér. Ég er orðin mjög löt við að blogga og er frekar upptekin vegna náms og nú undanfarið veikinda. Nenni ekkert að fara út í það hér en það er bara þetta sama gamla Crying

Skelli inn nokkrum myndum á meðan ég er að gera það upp við mig hvort ég egi ekki bara að loka blogginu í bili allavega. En þið sem eruð bloggvinir mínir, þá þykir mér undurvænt um ykkur og hugs oft til ykkar. Hugsa um ykkur í ykkar daglega lífi og það sem þið hafið hrært við mér með ykkar bloggum.

8cd.jpgÞessi fékk mig til að hlægja upphátt, þó að mér stökvi varla bros þessa dagana Tounge

 

 

 

 

 

 

002_pics.jpgTala um að vera gripin glóðvolgur LoL

 

 

 

 

 

 

 

 

27cd_797391.jpg

Þessa þurfti ég að skoða smá stund áður en ég sprakk úr hlátri Grin

 

 

 

 

 

 

 

 

Ástarkveðjur, ykkar Sigrún.


'Otrúlegt !!!

Ótrúlegt myndband um einhverfu !!! Horfa til endaa.

Meira hér fyri þá sem hafa áhuga  


Snorkling- undra furðuverka ævintýri.


DSCF6496

 

 

 

Daginn sem við fórum að snorkla var Ruud minn veikur og var búin að vera vakandi alla nóttina. Svo þegar ég vaknaði og hélt að ég þyrfti að fara með hann til læknis, varð ég himinglöð þegar að hann sagðist ætla að sofa og ég ætti bara að drífa mig.W00t Ég tók hann svo á orðinu að ég hoppaði afturábak út úr húsinu okkar, fór á veitingarstaðin og fékk mér morgunverð og sat bara og drakk kaffi og beið þegar Gudda og Kenneth komu út. Ég var með fiðrildi í maganum, mig bæði hlakkaði til og kveið fyrir að fara að sulla úti á ballarhafi með einhverja pípu í kjaftinum.Sick EN svo kom nú bíllinn og Bíba. Bíba var fararstjórinn okkar í snorklingsferðinni. Það er lítill maður með stóra nærveru,Bilde 485 yndislegur. Við keyrðum niður á bryggju og fylgdumst  með þegar það var verið að setja spíttbátana á sjóinn. Það var búið að vera svolítill vindur um nóttina og smá alda, en Bíba átti von á að það mundi nú lagast með deginum sem reyndist hárrétt. Svo var nú klifrað um borð, og gefið í. Útsýnið frá bátnum ólýsanlegt, rosalega há fjöll með regnskógum frá toppi til táar. Og margar litlar eyjur allt um kring. Við sigldum góðan klukkutíma áður en við komum að fyrstu eyjunni sem við áttum að snorka við. Ég ákvað að hafa á mér flotvesti svona "just in case" svo var froskalöppunum troðið á, gleraugun mátuð og svo var bara að láta sig gossa. Og viti menn sjórinn var heitur W00t Heitari en sundlauginni W00t Nú svo var að skola munnstykkið og prófa. Blub blub blub og vááá þvílíkur heimur sem mætti mér. Hvernig gat þetta verið, ég hafði ekki séð né heyrt þetta áður. Það var svo mikil þögn, algjör þögn, meira að segja hugsanirnar mínar sem aldrei þegja þögnuðu. Þetta var hljóðlaus heimur. AAHhhhhh það var svo gott að heyra þögnina að það tók mig augnablik að byrja að horfa í kring um mig. Og þá byrjaði ég að segja VÁÁÁ í grímuna og drekka sjóinn Wink Það var frekar lítið skyggni svo við Gudda létum okkur fljóta upp að klettunum og náðum akkúrat að synda út áður ein aldan skellti okkur uppá land. En þvílík veröld þarna niðri, ég er alveg viss um það að þeir sem gerðu fyrstu bíómyndir um geimverur hafa verið snorklarar. Að sjá lífið og samfélagið sem bjó þarna. Þarna voru þeir í öllum lituIMG_7427m, stærðum, og þjóðarbrotum með mismunandi trúarbrögð og syntu bara hver um annan eins og ekkert væri. Einn og einn var kannski étinn en friðurinn og róinn breyttist ekkert við það. Svo var ég nú alveg að ná tökum á þessu, búin að fá einn krampa í fótinn og þá var tími til komin að fara aftur í bátinn. Nú var siglt að næstu eyðieyju og við fórum í land. Þar fengum við hádegismat, syntum meira í sjónum borðuðum ananas og melónur. Sáum hana og hænu á eyðieyjunni. Syntum meira og æfðum okkur í að fljóta mmmmm himneskt líf. Nú var komin tími til að fara aftur í bátinn. Ég sagði við Guddu að ég væri ekki viss hvað ég treysti mér til að snorkla oft út af bakinu, en þegar báturinn stoppaði hoppaði Gudda fyrst og ég rétt á eftir. Það er bara ekki hægt að missa af neinu þarna. IMG_7407Nú var sjórinn kristal tær. Þvílík litadýrð, neon bleikt, neon grænt neon blátt og bara name it og það er þarna. Svo fengum við að gefa fiskunum hahahaha settum hrísgrjón í lófana og leyfðum litlu sætu Nemóunum að koma og borða hjá okkur. Pínu nart hihi Hmm svo voru nú grjónin búin og við fórum að gefa þeim ananas. Ég var svo töfruð af þessum litlu sætu fiskum að ég var ekkert að spá í að það voru líka aðeins stærri svangir fiskar að bætast í hópinn. Hélt bara stolt í minn ananas og spjallaði við gúblígúbl. En svo allt í einu beit einn stór mig (hann var kannski 20 cm)og ááá ég henti ananasnum mínum mér brá svo, fór svo upp alveg öskureið út í sjálfa mig fyrir að vera svona mikil skræfa hahahah en það var bara náð í meiri ananas og haldið áfram. Ég get svarið það að ég held að ég hefði geta snorklað ALLAN daginn. Fjöllin og firðirnir og húsin og íbúarnir heilluðu mig svo. Allt í einu kemur heil torfa af litlu næstum glærum fiskum og synda í eina áttina og þvert á þá koma stærri bláir fiskar og þú ert mitt upp í þessu, þeir synda allt í kring um þig og ruglast ekki einu sinni á því í hvaða röð eða átt þeir voru að fara. Ég aftur á móti veit ekki hvað snýr upp eða niður og ennþá síður í hvaða átt báturinn okkar er :) Þetta er ein af ótrúlegustu upplifunum sem ég hef haft. Var búin að skoða myndir af þessu oft að mörgu sinnum, en þessu er ekki hægt að lýsa, þó ég hafi nú eitt heilu bloggi í þetta Tounge þetta þarf að upplifast. Svo nú skora ég á alla sem ég þekki að prufa og nú skil ég sko hann Fannberg bloggvin betur, ætli maður prufi ekki köfun næst :) Ég var nú búin að ákveða að hafa engar myndir með og bara setja inn albúm, en svo var þetta allt of grá og litlaus Tælandsfærsla að ég stóðst ekki mátið að skella nokkrum inn. En svo ætla ég að setja upp albúm með fleiri myndum.

En núna er ég búin að keyra Ruud til Osló, hann verður skorinn í fyrramálið. Annars er bara allt við það sama hér, ég held mér sprækri á að skrifa og endur upplifa ferðina Tounge
'Astarkveðjur og knús, Sigrún.

P.S Það er alveg óhætt að kvitta, ég er alltaf að frétta af fólki sem ég þekki sem er að lesa og þætti voða gaman að fá þó ekki væri meira en lítið kvitt Kissing


Annar kafli Tæland með myndum.


 Við komum með leigubílnum til Pattaya, skoðuðum flotta húsið hans Margeirs og Sirrýar. HPIM3375Okkur langar ekkert lítið að verða nágrannar þeirraTounge Þetta er alveg yndislegt lítið þorp rétt ofan við sjálfa Pattaya, margir yndislegir nágrannar og ekki minnst sjarmerandi röltið upp á veg og í heimsókn hjá stráknum sem við köllum hann. En það er maður á besta aldri sem er með ja best að kalla það búð hehe, en hann selur allavega bjór, vatn, snakk og bensín á brennivínsflöskum fyrir mótorhjóla stráka og stelpur. Þar er voðalega huggó að tillla sér og fá sér bjór og fara svo í að ná sér í far niður í bæ. Það gekk alltaf og yfirleitt mjög fljótt og þennan fyrsta dag okkar í Pattaya ákváðum við að nota jólagjöfina frá Guddu og Kenneth og fara í fótanudd, borða djúpsteiktar rækjur með bjór á ströndinni og sjá sólsetrið. MMMM við byrjuðum á því að HPIM3385panta okkur allavega mat fyrir 15 manns :) allt var svo girnilegt. Svo komu konurnar í röðum að punta mann, bæði á höndum og fótum og það var svo gott að ég sofnaði :) og missti af sólsetrinu :O

 

 

 

 

 

 

 

EN svo var rölt upp á Cheers og heilsað upp á Ian, englendinginn sem á Cheers. Rölt yfir götuna og heilsað upp á klæðskerann.

Bilde 223 Bilde 233

 

 

 

 

 

 

Svo fengum við okkur bjór og sendum svo Ruud og Kenneth að kíkja á Boystown. Það fannst þeim voða sniðugt hehe LoL Svo var rölt um walkingstreet og kíkt aðeins á manlífið hihih allir voðalega ljúfir og yndislegir. Við keyptum miða með ferjunni til Koh Chang, versluðum við hvert tækifæri sem gafst og tókum svo svona bathbíl heim :)Bilde 333
Næsta dag var farið á fætur snemma og pakkað í bakpokann og lagt af stað í ferðalag íHPIM3406 ferðalaginu :) Við tókum mótorhjólataxa fyrsta spottann og biðum svo eftir bílnum sem sækir okkur. Hann keyrði okkur í tvo tíma (með smá miskildu pissustoppi hjá mér) hehehe og þegar við komum á bryggjuna var báturinn alveg að fara svo við hlupum um borð. Svo var siglt yfir og við vorum komin á áfangastað. Nú var að finna nýjan bathbíl og keyra á hótelið. Vegurinn (sá eini) á eyjunni er mjög hlykkjóttur og brattur svo að sá rúntur var frekar spennandi og Kenneth hékk aftaná yfir fullum bílnum. Þegar á hótelið var komið var okkur sagt að það hefði orðið einhver misskilningur og við yrðu því að fara á annað hótel. Ég var nú alveg klár að rökræða þetta aðeins en Gudda stoppaði mig :o Svo við fengu drykk á meðan við biðum eftir bílnum sem átti að keyra okkur. HPIM3413Og þegar sá bíll stoppaði trúði ég ekki eigin augum,,,, HPIM3414þetta var þvílíkt lúxushótel og við fengu alveg frábærar svítur með eigin jakkúsípotti og allt. En ég tók meira að segja mynd af klósetpappírnum, því allt var svo flott og fínt og ég hef bara séð HPIM3415svona í bíómyndum. Svo þegar ég var búin að hoppa og skoppa allan hringinn (húsi var hringlótt) mörgu sinnum með myndavélina, var bikiníið grafið upp úr farangrinum og farið að leita að sundlaug. HPIM3417OMG ef þið hafið séð þætti eins og Paradise Iceland osv. þá var sundlaugin okkar svoleiðis. Þvílíkt, vatnið rann yfir kantana, sturtan var eins og foss að koma út úr fjallskletti, og auðvita bar og þvílíkt útsýni. Maður var staddur mitt inn í regnskóginum, sá nokkur stráþök og risa stór laufblöð. Þegar það HPIM3436var búið að skola af sér ferðarykið og leggja sig í kóngarúminu, var ákveðið að skella sér út. Tókum nýjan bath bíl sem misskildi okkur smá þegar við sögðust vilja fara á White sand beach sem er svona smá þéttbýli á eyjuni og keyrði okkur niður á strönd. Það var geggjað, algjör Robinson strönd, EKKERT fólk. Hengikoja á milli pálmatrjánna, og ótrúlegt sólseturW00t. Síðan var rölt upp á White sand og fengið sér að borða mmmmm Ruud fékk sér heilan fisk djúpsteiktan og fullan af kryddum hehe en ég kem betur að því í næsta kafla, sem verður um                                                                                                                                                         .................................................................................................heilbrigðiskerfið í Tælandi hahaha ( Þið hélduð ekki að við gætum farið til Asíu án þess að bera það saman við sjúkrahúsin okkar Wink

Er með yfir 1000 myndir að velja úr til að setja hérna, það er ekki létt Shocking En allavega þá er Ruud að fara í bakaðgerðina á mánudag, frábært að fá þetta gert svo það sé hægt að fara að plana næstu ferð Tounge

En allavega dúllur, ha det så lenge knús og klem Sigrún 


Tæland fyrsti kafli. + Myndir loksins

Ferðasaga 1 hluti.

Við lögðum af stað frá Askim kl 09.00 full af tilhlökkun og spenningi. Komum á flugvöllinn rétt fyrir 11 eftir að hafa lagt bílnum og þurft að taka strætó á flugvöllinn.   Þegar þangað var komið var bara að setjast og fá sér smá ölara og bíða eftir fyrsta flugi.
Bilde 002 Við flugum til Schiphol, Amsterdam, þar sem ég hljóp búð úr búð til að finna hollenskan fána með þeim norska sem ég keypti á Gardemoen svo að við gætum nú flaggað almennilega þegar við kæmum  til Pattaya. Svo var sest og fengið sér uppáhalds hollenska matinn og meiri bjór klætt sig og karlinn í splunkunýja flugsokka, augnalappinn sem stendur á GO AWAY settur á aðgengilegan stað með bók að lesa svona ef maður sofnaði ekki alveg strax og þá var allt tilbúið fyrir flug til Asíu Grin Við fengum 4 sæti í röð í miðjunni og allir komu sér í stellingar eins og skot. Fyrst Kenneth svo Gudda og ég og Ruud á hinn endann. Þá gætum við Gudda allavega slefað yfir hvor aðra á leiðinni Whistling Við vorum rétt komin í loftið þegar þau sofnuðu skötuhjúin enda þrælvön langferðalögum. En við Ruud prufuðum að setja á okkur augnalappana, en neip það kom engin Óli lokbrá með. Enda allt svo öðruvísi en maður hefur upplifað áður. Maturinn var góður og ævintýri að rölta um vélina og finna ný klósett hihi. En mér fannst flugið skemmtilegt og svo miklu styttra en ég hélt að það væri. SVO komum við til Tælands. Rifið sig úr flugsokkunum, peysunni og buxurnar brettar upp og ferðalagið um flugstöðina hófst. Ég hef auðvitað aldrei farið svona langt til útlanda og fannst þetta allt voða framandi og spennandi. Standa í laaaaangri röð fyrir passaskoðun og þegar þangað var komið standa á stórum fótsporum á gólfinu, ekki hafa húfu W00t(hahah) eða sólgleraugu og horfa beint framan í myndavél og láta taka af sér mynd áður en okkur var hleypt inni í landið. Þegar það var búið var farangurinn komin og bara skellt sér í að skipta aurum í Bath og fara og finna leigubíl. Og þegar við komum út var urmull af fólki að reyna að toga í töskurnar okkar til að fá okkur í sinn leigubíl, en Gudda auðvitað með þetta allt á hreinu og ekki lengi að semja um leigubíl til Bankok og við röltum bara á eftir, hálf skrítin eftir svefnlaust flug en full af forvitni og spenningi. Það kom stúlka og tók farangurinn fyrir Ruud og bar hann alla leið í bílinn og við brostum bara sætt til hennar á eftir og sögðum takk LoLhihi vissum ekkert að auðvitað áttum við að tippa hana greyið, en já já svona lærir maður. Nú var það Bankok sem beið :þ.Bilde 011 Það var ekki fyrr en við komum á hótelið að ég fann hvað það var heitt. Leigubíllin auðvitað niðurkældur, svo maður var ekkert búin að átta sig á því. En við horfðum út um alla glugga á taxanum og fannst Bankok vera STÓR. Svo komum við á hótelið og ákveðið að leggja sig í klukkutíma og ná svo að fara á Kousan road um kvöldið og komast á rétt ról með svefninn. Frekar erfitt að fara á fætur, en það tókst. Við tókum leigubíl, eltum svo Guddu og Kenneth í gegn um hliðargötu og allt í einu vorum við komin á Kousan Road. Váá fólk út um allt. Matarlyktin tælandi og sölubásar, fólk og músík út um ALLTBilde 029. Ég hef nú grun um að maður hafi verið með hökuna niður á tám og augun runnið svolítið til í höfðinu, en maður reyndi að láta eins og þetta væri allt voðalega eðlilegt laugardagskvöld hehehe. Það var etið hér og þar, og Gudda kynnti mig fyrir tælensku pönnukökunni og ég kolféll fyrir henni auðvitað. Bökuð á risa pönnu fyllt með 2 bönunum, brett saman og sett fullt af súkkulaði og kókósmjólk yfir, mmmmmm þvílík sæla Tounge Svo var sjoppað svolítið og fengin ekta tæbjór Singa og farið í fótanudd mmmmmmm önnur sæla Tounge Svo fórum við með Tuktuk Bilde 043til baka á hótelið og ég hló alla leiðina haha skrítin upplifun að sitja á stóru þríhjóli með mótor og diskóljósum og rúnta í gegn um alla umferðina í Bangkok. En þegar við komumst á hótelið okkar með hláturskrampa og tárin lekandi niður kinnarnar var ákveðið að hittast til morgunverðar kl 09 og fara út og sjá meira af Bankok.
Dagur 1. í Bankok.
Við ákváðum að fara í bátsferð, fengum leigðan svona laaaangan bát með Bilde 078lööööngum mótor og við hurfum inn í tveggja tíma ævintýri sem ég sé en fyrir mér og á eftir að gera í mörg ár. Það var ótrúlegt og erfitt að útskýra fyrir einhverjum sem hefur ekki upplifað það, en þarna vorum við stödd á bát út í miðri Bankok, iðandi líf og manneskjur út um allt. Förum í svona skipalyftu og pang og eins og í draumi erum við erum stödd í algjörri kyrrð og ró. Sigldum fram hjá flottumHPIM3313Bilde 128 húsum ogBilde 160 bárujárnsskúrum hlið við hlið. Algjör friður, fólkið og allt einhvernvegin í slow mosion, og ég örugglega líka. Krakkar hoppandi útí ánna að baða sig og leika, kona að róa út í búð á bátnum sínum, tveir eldri strákar að leika sér með að róa þvottabölum, þvottur á öllum útiplássum og alveg sama hvernig húsi eða skúr var búið í allir voru með einhverskonar útipláss. Það er rosalega erfitt að lýsa þessu, en upplifunin var ótrúleg. Og það orð á ég eftir að nota OFT í þessari lýsingu. Ég verslaði mér handútskorið mótorhjól af sölukonu í litlum bát, við horfðum í allar áttir og reyndum að sjúga í okkur allt sem fyrir augu bar og er mikið af þessu í úrvinnslu í hausnum á manni ennþá.
Bilde 205Eftir bátsferðina var farið á hótleið og lagt sig og svo endurtekin leikurinn frá kvöldinu áður og farið á Kousan road, borðað verslað og bara horft og reynt að taka allt inn sem fyrir augu bar. Við Ruud fórum í næs olíunudd og vorum eins og ný á eftir. Næsta dag átti Kenneth afmæli, við ætluðum að fara og skoða Grand palace en það var einhver hátíðisdagur og við hefðum þurft að bíða til eftir 11 svo við fórum bara og skoðuðum liggjandi BuBilde 221ddan í staðinn, og hann var risastór :) Svo var tekin leigubíll til Pattaya og í húsið. Húsið frábært og nágrennið allt og ekki minnst nágrannarnir. En það er saga til seinni tíma.

Á morgun förum við með Siggu á Rikshospitalen í Oslo og sjúkraþjálfarinn hennar með okkur í rannsókn og  mælingar út af hryggskekkjunni á henni, og svo fer ég með Ruud í innskrift á Ulleval á föstudag og hann verður skorin við bakinu á mánudaginn. Svo kannski ég hafi tíma til að skrifa annan kafla um helgina  Wink

Ég ætlaði að setja inn myndir en þar sem það eru 3 strákar í kjallaranum í tölvu og tvær stelpur á efri hæðinni er greinilegt að línan hjá mér er ekki nógu stór eða þá að þolinmæðin í mér of lítil :(

Allavega þá ætla ég að senda þetta inn svona og bæti svo við myndum við fyrsta tækifæri.

Ástarkveðjur, Sigrún.

P.S Skelti loksins inn nokkrum myndum, hrikalega erfitt að velja mikið að velja úr Blush Aðgerðini á Ruud frestað í bili og helgin ekki alveg eins og ég hélt að hún yrði. Er langt komin með kafla 2 í hausnum svo nú er bara að fara að skella því á skjal Blush Bið að heilsa í bili og takk fyrir kommentin InLove


Ótrúleg ferð....

og ólýsanleg upplifun

HPIM3459 Er komin heim úr þessari ótrúlegu ferð. Þarf smá tíma til að bara melta allt sem ég sá og upplifði. Kem með ferðasögu og fleiri myndir við tækifæri.

 

 

HPIM3503

 

 

 

 

 

 

 

 

Ástarkveðjur frá flugruglaðri Sigrúnu með stútfullt batterí Grin Kissing


Gleðilegt nýtt ár !! :)

Betra seint en aldrei segja fróðir menn, svo ég vill byrja á að óska ykkur öllum gleðilegs árs og mikillar hamingju á nýju ári.

Af mér er það að frétta að ég er búin að vera reyklaus í heilan mánuð LoL Búið að ganga alveg rosalega vel. Svo nú er ég ekki reykingarmanneskja lengur og ætla aldrei að verða það aftur. Nú jólin og áramótin komu og fóru eins og önnur ár en með miklum rólegheitum og í algjörri afslöppun langt upp í fjöllum, það var alveg yndislegt. Ég fór reyndar ekkert á neitt nema gönguskíði einu sinni, en við Ruud fórum með Guddu og Kenneth upp í lyftunni einn daginn og löbbuðum/renndi mér á rassinum niður Tounge Það var alveg frábært, geggjað útsýni og rosalega falleg náttúra.

En nú fer að styttast í Tælandsferð ToungeCool hehehe. Búin að kaupa sólarvörn, og Gudda sagði mér eftirá að við kaupum allt svona í Tælandi svo ég reikna með að ég sé bara tilbúin. Taskan á að fara tóm (fyrir utan bikiní og brók) Svo er maður vel marineraður af öllum sprautunum svo nú er allt klárt, vegabréfin endurnýjuð og miðarnir á sínum stað og bara beðið eftir að mamma og pabbi komi. Og þá fer ég þangað..... 

OTHERS_44912_8

 

 

 

 

 

 

 

OTHERS_44912_10

 

 

 

 

 

 

 

 

OTHERS_44912_9

 

 

 

 

 

 

 

 

CoolLoLToungeW00t hehehehe ætla auðvitað að gera ýmislegt fleira. Verðum 2 nætur í höfuðborg syndanna Bankok Tounge Svo nokkra daga í heimabænum Pattaya áður en við förum niður til þessarar Róbinson eyju Kho Chang og verðum þar í 4 daga og förum svo aftur heim til Pattaya og ég skal sko lofa því að það verður farið OFT í nudd, farið ennþá oftar út að borða og borðað MIKIÐ, drukkinn einhver bjór, ekkert reykt og skemmt sér óborganlega vel !! LoLW00tCool vúhúhúúúúú.

Ég fékk logg/bloggbók í jólagjöf þar sem ég á að skrifa eitthvað á hverjum degi sem verður örugglega ekki erfitt. Og ég lofa að vera dugleg og segja ykkur ferðasögur þegar ég kem til baka. En kannski með þessu bloggi sé letin farin af mér og ég fari að verða duglegri Halo

Allavega, þá þykir mér alveg undur vænt um ykkur öll, kæru vinir. Risa knús og klem frá mér til þín InLove


Enn á lífi og nýt þess :þ

Brjálað að gera alla daga og engin tími til að blogga. Ég verð þó að skella inn smá færslu um það sem er á döfinni. Fyrsta mál á dagskrá er að ég er hætt að reykja W00t haha hélt að ég ætti nú aldrei eftir að segja það. En það gengur bara alveg þokkalega ennþá, bara komnir 5 dagar en þeir eiga eftir að verða margir.

Hytte.....Svo ætla ég ekki að halda venjuleg jól í ár. Ætlum að skella okkur á fjöll með Guddu og fj og vera í hyttu og á skíðum um jólin. Eina reglan er að það er bannað að vera í sparifötum á aðfangadag og mælt með náttbuskum. Passar mér og mínum alveg ROSALEGA vel Tounge

 

 

 

 

 

 

SVO....... koma stærstu fréttirnar ......

við erum að fara til Thailands W00t 5 ára draumur að verða að veruleika. Loksins, loksins, loksins, loksins !!!!

Thail Förum með Guddu og Kenneth 25 Jan og verðum í tvær vikur. Verðum nótt í Bangkok og 4 daga á næstum því eyðieyju ( þar er þessi mynd tekin) og restina verðum við í Pattaya. Ég er ekki farin að trúa þessu ennþá þó að búið sé að panta og borga ferðina W00t

Mamma og pabbi ætla að koma og vera hér hjá ungunum Tounge svo það er bara að slappa af   

 

 

 

angel14Að lokum vill ég óska ykkur öllum

Gleðilegra jóla, og farsældar og góðrar heilsu á nýju ári.

Reikna ekki með að vera mikið á ferðinni hér fyrr en eftir jól og þá lofa ég að vera duglega að kíkja á ykkur og lesa og kvitta.smiley jol

 

 

Risa knús og klemm frá mér til ykkar allra KissingInLove Kveðja Sigrún 


Eftir langa þögn....

kemur smá stuna frá mér. Ég vill nú byrja á að þakka fyrir allar kveðjurnar með dótturina í síðasta mánuði, þær voru svo krútt InLove En ég hef bara ekki verið í neinu blogg stuði og ákvað að ég gæti þá bara tekið mér frí, þetta er og á að vera mér til gagns og gamans svo það varð bara löng þögn Blush 'i dag var ég lögð inn á sjúkrahús hér í heimabænum mínum til endurhæfingar. Þetta er rekið af Sunnås sem er eitt af bestu endurhæfingar stofnunum í Noregi. Ég á að vera hér í 4 vikur, í skoðuninni í dag kom í ljós eins og ég vissi nokkuð mikil vöðvarýrnun vinstramegin, þar sem ég lamaðist og á að vera fundur á morgun þar sem ég hitti sjúkraþjálfara og alla þá sem koma að minni endurhæfingu og eftir það verður lagt plan. Þegar það verður búið að mæla rýrnunina í fætinum verður raunhæf málsetning sett í gang og svo er bara að vera dugleg að æfa og synda og allt það sem mér þykir vanalega mjög leiðinlegt ætla ég að láta mér hlakka til og er óskaplega þakklát fyrir að geta gert þetta en ekki vera ennþá föst í hjólastól. En mikið rosalega var erfitt að fara inn á sjúkrahús í morgun og láta skrifa sig inn. Alveg sama þó að ég vissi að ég var að fara í endurhæfingu og ég eiginlega óskaði og vildi þetta þá var ég sko með risa hnút í maganum og er enn bara við tilhugsunina að vera komin á stofnun einu sinni enn. En ég sagði bara strax frá því við hjúkkuna og læknirinn og fékk mikinn skilning, þetta er eitthvað sem þau upplifa oft með fólk sem hefur þurft að liggja lengi á stofnun og upplifa erfið veikindi. En ég er búin með þau og ætla að vera mér meðvituð um að þetta sé einstakt tækifæri til að koma mér sem best á lappir aftur og fá meira úthald og vonandi eitthvað verkjaminni. En ég held að það sé líka allskonar föndur og dót sem mér hlakkar til að finna meira út um og fara að föndra fyrir jólin (svo get ég klippt táneglurnar á eftir LoL)

 Jæja vinir ég vona að mér sé ekki hent út af vinalistunum fyrir að vera í burtu, ég hugsa oft til ykkar og spái í hvað sé að gerast hjá ykkur en ætla að gefa mér tíma við tækifæri til að fara rúnt og sjá hvað er að gerast hjá ykkur. 

Og að öðru þá er ég búin að vera á fleiri fundum um krakkana, þar sem þau eru bæði að fara að skipta um skóla næsta haust og þarf ég að vera snemma í öllum þeim undirbúningi, en ég er búin að vera að spá í hvort að strákurinn hafi ekki gott að einu ári í viðbót hér heima áður en hann fer í háskóla, en það verður stór fundur um það á föstudag og verður spennandi að heyra hvað hinum sem verða þar finnst. Ég fékk leyfi frá sjúkrahúsinu til að fara á þann fund, en svo ætla ég að reyna að koma þeirri vinnu yfir á einhvern annan.

Ástarkveðjur til ykkar allra frá mér, Sigrún. 

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband